मोटरसाइकल र स्कुटर ठोक्किदा धादिङ ज्वालामुखीका दुवाडीको मृत्यु

धादिङ,०२ चैत।
काठमाडौं महानगरपालिका–१५ बिजेश्वरीमा मोटरसाइकल र स्कुटर ठोक्किदा एक जनाको मृत्यु भएको छ ।

आज बिहान बा. ८५ प ५०६० नम्बरको मोटरसाइकलसँग बा. ४९ प ६१२३ नम्बरको स्कुटर ठोक्किदा स्कुटरका चालक धादिङको ज्वालामुखी गाउँपालिका–४ घर भई हाल नागार्जुन नगरपालिका–१ रानीवन बस्ने ३५ वर्षीय हरी दुवाडीको मृत्यु भएको प्रहरीले जनाएको छ ।

दुर्घटनामा गम्भीर घाइते भएका दुवाडीको मनमोहन मेमोरियल अस्पताल स्वयम्भुमा उपचारको क्रममा मृत्यु भएको प्रहरीले जनाएको छ। मोटरसाइकल चालकलाई प्रहरीले नियन्त्रणमा लिएको छ।