गजुरी गाउँपालिकामा बालमैत्री स्थानीय तह घोषण प्रोत्साहन कार्यक्रम सम्पन्न

धादिङ,१५ चैत

बालबालिकाहरुको सर्वाङ्गिण विकासको लागि गजुरी गाउँपालिकाले जिम्मेवारीपुर्वक कार्य गर्दै आएको गाउँपालिका अध्यक्ष गणेशलाल श्रेष्ठले बताउनु भएको छ । गजुरी बालमैत्री स्थानीय शासन अबलम्बनका न्युनतम सुचकहरु पुरै हुने चरणका रहेकोले अब सम्बन्धित सबै पक्षले एकताबद्ध भएर घर,घर ,टोल टोलमा बालमैत्री पद्धति अबलम्बन गरि बाल अधिकार र शारीरिक,मानसिक, संवेगात्मक र शैक्षिक उपलब्धि केन्र्दित भएर कार्य भई रहेको बताउनु भयो ।

अभिमुखिकरणमा गाउँपालिका अध्यक्ष श्रेष्ठले बालमैत्री स्थानीय शासन अबलम्वन तथा घोषणा गर्ने कार्य भनेको बालबालिकाको सर्वोत्तम हित ,सर्वाङ्गिण बिकास र अर्थपूर्ण सहभागीताको सिद्धान्तमा आधारित सवालहरुलाई स्थानीय तहको निति , योजना , संरचना र कार्य प्रक्रियामा संस्थागत गर्ने शासकीय पद्धति भएकोले यसलाई कार्यान्वयन गर्ने जिम्मेवारी पनि स्थानीय तहको भएकोले गजुरी गाउँपालिकाले बालमैत्री स्थानीय शासन घोषणाको लागि वडागत रुपमा अभियानको रुपमा अगाडि बढाईएको बताउनु भयो।

सोमबार गाउँपालिकाका जनप्रतिनिधि, शाखागत कर्मचारी तथा सरोकारवालाहरुको लागि आयोजित बालमैत्री स्थानीय शासन अबलम्बन तथा घोषणा सम्बन्धि अभिमुखिकरण कार्यशाला उद्घाटनको अवसरमा अध्यक्ष श्रेष्ठले सो कुरा बताउनु भएको हो ।कार्यक्रममा गजुरी गाउँपालिका महिला तथा बालबालिका शाखा प्रमुख सरस्वती सिलवालले गाउँपालिकामा बालमैत्री स्थानीय शासनको ५१ वटा सुचकहरु पुरा गर्दै क्रमागत रुपमा वडा तथा पालिकालाई बालमैत्री गाउँपालिका घोषणा गर्ने अभियानमा रहेको समेत बताउनु भयो ।

गाउँपालिका अध्यक्ष गणेशलाल सिलवालको अध्यक्षतामा भएको कार्यक्रममा उपाध्यक्ष शर्मिला विसुराल,वडाध्यक्षहरु तारा भण्डारी , द्रोण कडेल, ऋषिलाल श्रेष्ठ, गोबिन्द लामिछाने, भक्त बहादुर तामाङ र बद्री जमरकट्टेल लगायत कार्यपालिका सदस्यहरु, पालिकाको विभिन्न कर्मचारी, बिद्यालय प्रधानाध्यापकहरु ,स्वास्थ्य संस्था प्रमुख , सहकारीका प्रतिनिधिहरु , महिला समुहका प्रतिनिधिहरु तथा अन्य सरोकारवालाहरु समेत गरि ३५ जनाको सहभागीता रहेको थियो । बालमैत्री स्थानीय शासनको अवधारणा कार्यान्वयन रणनीति सम्बन्धि ज्ञान ,सीप तथा क्षमता अभिबृद्धिको मार्फत घर परिवार,टोल बस्ती ,वडा हुँदै पालिकालाई नै बालमैत्री बनाउन अभियानलाई सार्थकता दिने उद्धेश्य पूरा गर्न सम्बन्धित सरोकारवालाहरुको लागि अभिमुखिकरण गरिएको बताउनु भयो ।

अभिमुखिकरण कार्यक्रममा बालमैत्री स्थानीय शासन अबधारणा, बालमैत्री गाउँपालिकाको लागि बालबालिका सम्बन्धि कार्यान्वयन निर्देशिका २०७८ अनुसारको कार्यान्वयनका तहगत खुड्किलाहरु, बालमैत्री स्थानीय शासनको ५१ वटा सुचकहरु, गजुरी गाउँपालिकाका बालबालिकाहरुको बस्तुगत विवरण तयारी, बिद्यालय तथा समुदाय तहमा बाल समूह पुर्नगठन तथा परिचालन, बालबालिकामा लगानी योजना लगायत बिषयमा गैरसरकारी संस्था महासंघका बागमती प्रदेशका निबर्तमान अध्यक्ष तथा प्रयास नेपाल धादिङका कार्यकारी निर्देशक दामोदर अर्यालले सहजिकरण गर्नु भएको थियो ।

अभिमुखिकरण कार्यक्रममा महिला समुहका अध्यक्ष भगवती अधिकारी, डोलभज्याङ माविका प्रधानाध्यपक अशोक घिमिरे, वडाध्यक्ष बद्री प्रसाद जमरकट्टेल लगायतले बालमैत्री स्थानीय शासन कार्यान्वयनमा सहकार्य गर्ने प्रतिबद्धता गर्नु भएको अभिमुखिकरण कार्यक्रम संचालनको लागि निर्देशिका बमोजिम गजुरी गाउँपालिका अध्यक्षको गणेशलाल श्रेष्ठको अध्यक्षतामा बालमैत्री स्थानीय शासन पालिका स्तरीय समिति पुर्नगठन गरिएको पनि महिला बालबालिका शाखा प्रमुख सरस्वती सिलवालले जानकारी दिनु भयो ।