नीलकण्ठ माविको शिक्षक अभिभावक संघको अध्यक्षमा नवराज तिमल्सिना चयन

नीलकण्ठ नगरपालिका वडा नम्बर ३ स्थित नीलकण्ठ नमुना माध्यमिक विद्यालयको शिक्षक अभिभावको संघको अध्यक्ष नवराज तिमल्सिना चयन हुनुभएको छ । दुइृ हजार आठ सय विद्यार्थी अध्यायनरत नीलकण्ठ विद्यालयमा २०८० पुस १६ गते भएको अभिभावक भेलाबाट छनौट भएका प्रतिनिधि अभिभावकहरू मध्येबाट आज विद्यालयमा भएको भेलाले विद्यालय “शिक्षक अभिभावक संघ” गठन गरीएको हो ।

अभिभावकहरू मध्येबाट नवराज तिमल्सिना सहित ८ जना सदस्य र विद्यालयको तर्फबाट ३ जना पदेन सदस्य सहित ११ सदस्यीय समिति गठन भएको हो । समितिको सदस्यहरुमा मिरा विसुङ्खे, कमला श्रेष्ठ, सुभद्रा अधिकारी, पवित्रा दनै, टाका बहादुर श्रेष्ठ, भगवती श्रेष्ठ, प्रदिपराज रेग्मी,पदेन सदस्य विद्यालय व्यवस्थापन समितिका अध्यक्ष एक जना र शिक्षक प्रतिनिधिबाट एक जना सदस्य रहनुभएको छ। समितिको सचिवमा विद्यालयका प्रधानाध्यापक ध्रुव अधिकारी रहनु भएको छ ।

बागमती प्रदेशका सांसद गोविन्द प्रसाद लम्सालको विशेष उपस्थितीमा समिति गठन गरीएको हो ।