खानेपानी र सिंचाइमा समस्या भएको भन्दै नीलकण्ठ–७ का स्थानियहरु आन्दोलित

धादिङ, २२ चैत्र ।
धादिङको निलकण्ठ नगरपालिका वडा न ७ तल्लोबेशीका स्थानियहरु बिगतको सहमती कार्यान्वयन नभएको भन्दै आन्दोलनमा उत्रिएका छन्। निलकण्ठ–४ खानीगाउँमा हाडीखोलाबाट खानेपानीको नाममा अनावश्यक पानी ल्याई निकास गरिदिदा आफुहरुको खानेपानीको मुहान सुकेको र खेतको लागी सिचाईमा समस्या भएको भन्दै उनिहरु आन्दोलमा उत्रिएका हुन ।

बुधबार नीलकण्ठ नगरपालिका वडा न ७ का स्थानियहरुले समस्या समाधान गरिदिन खानेपानी तथा सरसफाइ डिभिजन कार्यालय धादिङमा गएर समस्या समाधान गरिदिन ध्यानाकर्षण गराएका छन् । हाल नीलकण्ठ नगरपालिका वडा नं ७ मा उक्त मुहानको आसपासबाट खानेपानी उपभोग गर्ने उपभोक्ताहरुको खानेपानीको पहुँच हराएको गुनासो उनिहरुले गरेका छन् ।

हाँडी खोलाबाट सिंचाइ एंव खानेपानी उपभोग गर्ने जलउपभोक्ताहरुको आम भेलाले हाँडी खोलाबाट २०५४ सालमा हालको नीलकण्ठ–४ खानीगाउँ एक टोलको लागि ३२ एमएम को पाइपबाट खानेपानीको लागि योजना तर्जुमा गरी खानेपानी डिभिजन कार्यालय धादिङबाट योजना सम्झौता भइ खानेपानीको उपभोग गरी आएकोमा पटक पटक खानेपानी मर्मतको नाममा ६३ एमएम को पाइप राख्दै आएर हाल ४ ईन्चको पाइप सिधै खोलामा राखी खोला नै सुकाई पानी ल्याएको उनिहरुको भनाई छ ।

हाँडीखोला बाट सिंचित हुने अन्दाजी १५ हजार रोपनी साविक देखिकै सिंचित हुँदै आएको खेतहरु बाँझीने अवस्था पुगेको स्थानियहरुको भनाई छ । पुर्व सहमती अनुसारको ३२ को पाइपबाट मात्र खानेपानी ल्याउन र हाल थप भएको ४ ईन्चको पाइपबाट पानी ल्याउने काम स्थगित गर्न उनिहरुको माग छ ।

आफुले खाइरहेको खानेपानीको मुहान सुक्दा खानेपानीबाट बन्चीत हुनुपर्ने अवस्था आएको स्थानिय इन्दिरा दाहालले बताउनुभयो छ ।
प्राचीनकालदेखि रोपिदै आएको खेत सुक्न नहुने र जनताले पानी पनि खान पाउनुपर्ने स्थानिय छविलाल अधिकारी बताउनुहुन्छ ।

त्यसैगरी नीलकण्ठ –७ का रेशम राज सिंखडाले विगतको सहमती कार्यन्वयन हुनु पनेमा जोड दिनुभएको छ । नागरीकहरुको गुनासो पश्चात खानेपानी तथा सरसफाइ डिभिजन कार्यलय धादिङका कार्यालय प्रमुखले समस्या समाधानको लागी आफुले पहल कदमी लिने बताउनु भएको छ । उहाँले स्थलगत निरीक्षण गरि दुवै पक्षलाई समझदारी गराई समस्या समाधान गर्ने प्रतिवद्धता ब्यक्त गर्नु भएको छ ।