नगर स्तरीय राष्ट्रपति रनिङ शिल्ड प्रतियोगिताको उपाधि नीलकण्ठ बालमन्दिर माविले जित्यो

धादिङ,२० पुस
नीलकण्ठ नगरपालिका स्तरीय राष्ट्रपति रनिङ शिल्ड खेलकुद प्रतियोगिताको उपाधि नीलकण्ठ बालमन्दिर माविले जितेको छ । शनिवार धादिङबेसीमा सम्पन्न प्रतियोगितामा २७ स्वर्ण,१८ रजत र १२ कांस्य पदकसहित नीलकण्ठ बालमन्दिर माविले उपाधि जितेको हो । यसैगरी धादिङबेसी स्थित चिल्ड्रेनपार्क आवासिय माध्यामिक विद्यालय दोस्रो हुन सफल भएको छ ।

चिल्ड्रेनपार्क आवासिय माध्यमिक विद्यालयले ५ स्वर्ण,१ रजत र ६ कास्य सहित २९ वटा विद्यालय मध्ये चिल्ड्रेपार्क आवासिय मावि दोस्रो बन्न सफल भएको हो । यसैगरी शखादेवी मावि ४ स्वर्ण ६ रजत र ५ कास्य पदक सहित तृतिय हुन सफल भएको छ । विभिन्न २९ विद्यालयले सहभागिता जनाएको प्रतियोगितामा छात्र र छात्रा भलिबल, कबड्डी, एथलेटिक्स र मार्सल आर्टस् विधामा विद्यार्थी खेलाडीले प्रतिस्पर्धा गरेका थिए । प्रतियोगितामा विद्यागत प्रथम र द्वितीय,तृतीय बन्न सफल विद्यालयहरुलाई नगद सहित शिल्ड,मेडल र प्रमाणपत्रद्वारा सम्मान गरीएको थियो।

कार्यक्रममा नीलकण्ठ नगरालिकाका नगर प्रमुख तथा नेपाल नगरपालिका संघका अध्यक्ष भीमप्रसाद ढुंगाना,उप–मेयर दिपक विश्वकर्मा,प्रमुख प्रशासकीय अधिकृत पुरुषोत्तम सुवेदी,वडा अध्यक्षहरु,कार्यपालिका सदस्यहरु,जिल्ला स्थित सरकारी कार्यलयका प्रमुख एवं प्रतिनिधिहरुको आतिथ्यता रहेको थियो।पुरस्कार समारोहलाई सम्बोधन गर्नुहुदै नगर प्रमुख भीम प्रसाद ढुंगानाले खेल क्षेत्रमा नीलकण्ठ नगरपालिका अगाडी रहेको बताउनुभयो ।

जिल्ला स्तरिय राष्ट्रपति रनिङ शिल्ड प्रतियोगितामा स्वर्ण पदक विजेताहरुलाई नगरपालिकाले थप नगद २ हजार प्रोत्साहन स्वरुप पुरस्कार दिईने घोषणा गर्नुभएको छ। साथै नीलकण्ठ नगरपालिकाबाट सहभागी भई जिल्ला,प्रदेश तथा संघ स्तरिय प्रतियोगितामा सहभागी हुँदाको खर्च नगरपालिकाले दिईने समेत घोषणा गर्नुभएको छ। पुस १७ गतेदेखी सुरु भएको प्रतियोगिता शनिवार साँझ सम्पन्न भएको हो।