देशभर ९ हजार ३२९ को कोरोना परिक्षणमा ३९३ संक्रमित थपिए

धादिङ,२० पौष ।
पछिल्लो २४ घण्टामा देशभर ९ हजार ३२९ को कोरोना परिक्षणमा ३९३ संक्रमित थपिदा २६३ संक्रमित डिस्चार्ज भएका छन्।देशभरका प्रयोगशालाबाट ७ हजार ७९४ जनाको पीसीआर गर्दा ३५५ र १ हजार ५३५ जनाको एन्टिजेन परिक्षणमा ३८ गरी ३९३ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ।

सोमबार मात्रै ३२६ संक्रमित थपिएका थिए। यो सँगै देशभर संक्रमित हुनेको संख्या ९ लाख २५ हजार ५५७ पुगेको छ भने हालसम्म संक्रमित भई निको हुनेको सङ्ख्या ८ लाख १२ हजार ९३७ पुगेको छ।

योसँगै हालसम्म सक्रिय संक्रमितको संख्या ५ हजार ९४ रहेको छ भने सङ्क्रमणमुक्त हुनेको दर ९८ प्रतिशत रहेको छ। यस्तै पछिल्लो २४ घण्टामा सङ्क्रमणका कारण ३ जनाको मृत्यु भएसँगै हालसम्म सङ्क्रमणका कारण एघार हजार ६०१ को मृत्यु भएको मन्त्रालयको तथ्याङ्मा उल्लेख गरिएको छ।