चोरीको मोटरसाइकल सहित धादिङका दुई युवक पक्राउ

पत्रपत्रिका समाचार

Home
चोरीको मोटरसाइकल सहित धादिङका दुई युवक पक्राउ

बिहिबार, पुस २३, २०७७ Dhading Sanchar

धादिङ,२३ पुस ।
मोटरसाइकल चोरी गर्ने २ जनालाई महानगरीय ट्राफिक प्रहरी महाशाखाले पक्राउ गरेको छ । पीडित सहायता इकाइबाट सादा पोसाकमा खटिएको ट्राफिक प्रहरी टोलीले सोह्रखुट्टेस्थित सडक खण्डबाट मोटरसाइकलसहित २ जनालाई पक्राउ गरेको हो ।

पक्राउ पर्नेमा धादिङ्गको निलकण्ठ नगरपालिका–९ मुरली भन्ज्याङ्ग बस्ने वर्ष २६ को राजन मगर र थाक्रे गाउँपालिका वडा नं. १ देवीस्थान बस्ने वर्ष २१ को राजन तामाङ रहेको महाशाखाका प्रमुख प्रहरी वरिष्ठ उपरीक्षक जनक भट्टराईले जानकारी दिनुभयो ।

उनीहरू सवार बा ९२ प ७६३० नम्वर कालो रातो रंङ्गको २२० सीसीको पल्सर मोटरसाइकल पक्राउ गरिएको महाशाखाले जनाएको छ। अनुसन्धान क्रममा उक्त मोटरसाइकलको वास्तविक नम्बर प्रदेश ३-०२-१२ प ९८३५ खुल्न आएको छ ।

उक्त नम्बरको मोटरसाइकल मिति २०७६/०९/२६ गते काठमाण्डौं सोह्रखुट्टेस्थित सडक खण्डबाट हराएको थियो। पर्सा जिल्ला ठोरी गाउँपालिका-९ बस्ने पूर्ण बहादुर थापाले खोजतलास गरिदिन ट्राफिक महाशाखामा अनुरोध गरेका थिए । उनिहरुलाई आवश्यक कारवाहीको लागि महानगरीय प्रहरी वृत्त, लैनचौर पठाईएको प्रहरीले जनाएको छ ।तस्विर दैनिकी

प्रकाशित मिति: बिहिबार, पुस २३, २०७७

आफ्नो टिप्पणी दिनुहोस्