सुर्य चिन्ह र आधिकारीक नेकपा पार्टी हाम्रो होःभुमि त्रिपाठी

शिक्षा राजनीति समाचार

Home
सुर्य चिन्ह र आधिकारीक नेकपा पार्टी हाम्रो होःभुमि त्रिपाठी

सिद्धलेकमा आधारभुत स्वास्थ्य केन्द्र भवनको उद्घाटन

सोमबार, पुस २७, २०७७ Dhading Sanchar

धादिङ,२७ पुस ।
सुर्य चिन्ह र आधिकारीक नेकपा कम्युनिष्ट पार्टी(नेकपा) आफुहरु भएको नेकपाका जिल्ला अध्यक्ष भुमि त्रिपाठीले बताउनु भएको छ । सरकारमा बसेर काम गर्न नदिएको कारण जनताहरुमा जान परेको भन्दै उहाँले ताजा जनादेश स्विकार गर्नुको विकल्प नभएको समेत बताउनु भएको छ । प्रधानमन्त्री केपी शर्मा ओलीले चालेको कदम अग्रगमन भएको भन्दै उहाँले तोकिएकै समयमा निर्वाचन हुने स्पष्ट पार्नुभयो । राष्ट्रियता,स्वाधिनता र विकासको पक्षमा आफुहरु रहेको भन्दै उहाँले शान्ति नचाहने र विकास नचाहनेहरुले खेल्न खोज्दा यो अवस्था आएको समेत बताउनुभयो ।

Image may contain: 2 people, people sitting, sky, outdoor and nature

धादिङको सिद्धलेक गाउँपालिका वडा नम्बर ७ मा नवनिर्मित ४ कोठे आधारभुत स्वास्थ्य केन्द्र भवनको उद्घाटन गर्नुहुदै उहाँले सो कुरा बताउनु भएको हो । सिद्धलेक गाउँपालिका वडा नम्बर ७ का अध्यक्ष लक्ष्मण खतिवडाको अध्यक्षतामा सम्पन्न भएको भवन उद्घाटनमा कार्यक्रममा नेकपाका अध्यक्ष भुमि त्रिपाठीको प्रमुख आतिथ्य रहेको थियो ।

Image may contain: 6 people

गाउँपालिकाका अध्यक्ष प्रेमनाथ सिलवाल र उपाध्यक्ष कमला शर्माको विशेष आतिथ्य रहेको कार्यक्रममा गाउँपालिकाका प्रमुख प्रशासकीय अधिकृत नन्दलाल शर्मा,वडा नम्बर ४ का अध्यक्ष रामहरी बराकोटी र वडा नम्बर ६ का वडा अध्यक्ष टिका थपलियाको आतिथ्यको रहेको थियो। कार्यक्रममा गाउँपालिका अध्यक्ष प्रेमनाथ सिलवालले सिद्धलेक गाउँपािलकाको विकासमा आफुहरु प्रतिबद्ध रहेको बताउनु भएको छ ।

Image may contain: 1 person, standing

खानेपानी,स्वास्थ्य,शिक्षा,सडक,कृषि र सिंचाईमा देखीने गरी विकास भएको भन्दै उहाँले आफ्नो कार्यकालमा नमुना गाउँपालिकाका बनाउने लक्ष्य रहेको पनि बताउनुभयो । भौतिक संरचना निमार्णको काम अन्तिम चरणमा पुगेको भन्दै उहाँले तीन वटा मुख्य सडकहरु पीच गर्ने कार्य सुरु भएको समेत बताउनु भएको छ ।

Image may contain: one or more people, people on stage, people dancing, people sitting, crowd and outdoor

५४ लाखको लागमा निमार्ण गरीएको भवनको सोमबार उद्घाटन गरीएको हो । गाउँपालिकाको ४५ लाख,जग्ग्गा खरिदमा ६ लाख,जनश्रमदान ३ लाख गरी जम्मा ५४ लाखमा भवनको निमार्ण कार्य सम्पन्न भएको हो । भवन निमार्णको लागि २ आना जग्गा भने स्थानिय चेत बहादुर मगरले दान दिनुभएको वडा नम्बर ७ का वडा अध्यक्ष लक्ष्मण खतिवडाले जानकारी दिनुभयो । साथै आजै सत्यवती माध्यमिक विद्यालयको ४५ औँ बार्षिक उत्सव पनि सम्पन्न भएको छ ।

प्रकाशित मिति: सोमबार, पुस २७, २०७७

आफ्नो टिप्पणी दिनुहोस्