मानव बेचबिखन तथा बाल संरक्षण सम्बन्धी सञ्चारकर्मीहरुलाई अभिमुखीकरण

पत्रपत्रिका समाचार

Home
मानव बेचबिखन तथा बाल संरक्षण सम्बन्धी सञ्चारकर्मीहरुलाई अभिमुखीकरण

सोमबार, फागुन १०, २०७७ Dhading Sanchar

धादिङ,१० फागुन ।
मानव बेचबिखन तथा बाल संरक्षण सम्बन्धी सञ्चारकर्मीहरुका लागि धादिङबेसीमा एकदिने अभिमुखीकरण कार्यक्रम सम्पन्न भएको छ । नेपालमा विद्यमान मानव बेचबिखन र बाल संरक्षणको विषयमा स्थानीय सरकारले पिडित र प्रभावित समुदाय प्रति निर्वाह गर्नु पर्ने जवाफदेहितालाई आम सञ्चार माध्यमले खेल्ने सक्ने भूमिकालाई प्रभावकारी बनाउने उद्देश्यले कार्यक्रमको आयोजना गरिएको हो ।

कानुन अन्वेषण तथा स्रोत विकास केन्द्र काठमाडौँको आयोजनामा भएको अभिमुखीकरण कार्यक्रममा मानव बेचबिखन तथा ओसारपसारका बारेमा जानकारी गराइएको थियो । विशेष गरी विभिन्न समयमा हुने गरेका विविध किसिमका मानव बेचबिखन सम्बन्धि अवधारणा, त्यसको अन्तराष्ट्रिय मापदण्ड तथा नियन्त्रणका बारेमा कार्यक्रमका सहभागीहरुलाई जानकारी गराइएको थियो । त्यसैगरी लागु औषध तथा हातहतियार ओसारपसार, विभिन्न अपहरणका घटनाहरुका बारेमा समेत जानकारी गराइएको थियो ।

उच्च जोखिममा पर्न सक्ने महिला तथा बालबालिकाहरुको संरक्षणका सवालमा आम सञ्चार माध्यममा गरिने रिपोर्टिङको महत्वका बारेमा कार्यक्रममा सहभागीहरुबिच छलफल गराइएको थियो । छलफलका विषयवस्तु माथि राममणी गौतम, कपिल अर्याल र केशव दुवाडीले सहजीकरण गर्नु भएको थियो । तस्विर :रेडियो धादिङ

प्रकाशित मिति: सोमबार, फागुन १०, २०७७

आफ्नो टिप्पणी दिनुहोस्