स्थानीय तहबाट संचालित पकेट विकास कार्यक्रमको प्रगति समिक्षा गोष्ठी

धादिङ,२७ भाद्र ।
स्थानीय तहबाट संचालित पकेट विकास कार्यक्रमको प्रगति समिक्षा गोष्ठी सम्पन्न भएको छ । सोमबार प्रधानमन्त्री कृषि आधुनिकीकरण परियोजना,परियोजना कार्यान्वयन एकाई धादिङको आयोजनामा कृषी ज्ञान केन्द्रको सभाहलमा आर्थिक वर्ष २०७८/०७९ मा स्थानीय तहबाट संचालित पकेट विकास कार्यक्रमको प्रगति समिक्षा गोष्ठी सम्पन्न भएको हो ।

परियोजना कार्यान्वयन एकाई धादिङमा २०७९/८० को वार्षिक स्वीकृत कार्यक्रम अनुसार स्थानीय तहबाट संचालित पकेट विकास कार्यक्रम संचालित पक्रिया, प्रगति, समस्याहरुको बारेमा जानकारी गराउने उद्धेश्यले समिक्षा गोष्ठी आयोजना गरिएको कार्यान्वयन एकाई धादिङका वरिष्ठ कृषि अधिकृत होम नाथ लम्सालले बताउनुभयो ।

जिल्लाको जुन जुन स्थानीय तहमा दरवन्दी अनुसारको कृषि प्राविधिक छन् सोही ठाउँमा पकेट विकास कार्यक्रमको कार्यक्रममा रुवी भ्याली गाउँपालिका बाहेक सबै स्थानीय तहका कृषि प्राविधिकहरुले आर्थिक वर्ष २०७८/०७९ मा स्थानीय तहबाट संचालित पकेट विकास कार्यक्रमको प्रगति प्रतिवेदन सार्वजनिक गरेका थिए ।

स्थानीय तहमा संचालन भएका पकेट विकासका कार्यक्रमहरु हुनुपर्ने जति प्रगति हासिल गर्न नसकिएको कार्यक्रममा सहभागिहरुले गुनासो गरेका थिए ।राम्रो प्रगति भएको र दरवन्दी अनुसारको कृषि प्राविधिक नभएको ठाउँमा कार्यक्रम कार्यन्वयन गर्न समेत समस्या रहेको लम्सालको भनाई छ ।

पकेट विकास कार्यक्रम अन्र्तगत थाक्रे गाउँपालिकामा तरकारीे, ज्वालामुखी गाउँपालिकामा मकै र रुवी भ्याली गाउँपालिकामा आलुको पकेटको कार्यक्रम राम्रो भएको बताउनुभयो ।

कार्यक्रममा रुवी भ्याली गाउँपालिका बाहेक सबै स्थानीय तहका कृषि प्राविधिकहरुले आर्थिक वर्ष २०७८/०७९ मा स्थानीय तहबाट संचालित पकेट विकास कार्यक्रमको प्रगति प्रतिवेदन सार्वजनिक गरेका थिए । स्थानीय तहमा संचालन भएका पकेट विकासका कार्यक्रमहरु हुनुपर्ने जति प्रगति हासिल गर्न नसकिएको कार्यक्रममा सहभागिहरुले गुनासो गरेका थिए ।