धादिङमा पनि मनाईयो २ सय ७ औँ भानुजयन्ती

साहित्य समाचार

Home
धादिङमा पनि मनाईयो २ सय ७ औँ भानुजयन्ती

सोमबार, असार २९, २०७७ Dhading Sanchar

धादिङ २९ असार
नेपाली साहित्यका आदिकवि भानुभक्त आचार्यको २०७ औँ जन्मजयन्ती को अवसरमा सोमबार धादिङबेशीको भानुपार्कमा वृक्षारोपण गरिएको छ । भानु प्रतिष्ठान धादिङ र धादिङ सोसियल भोलेन्टीयरका स्वयंसेवहरुले भानुपार्क भित्र कदम, धुपीका विरुवाहरु बृक्षारोपण गरीएको भानु प्रतिष्ठान धादिङका अध्यक्ष डा.नवीन बन्दु पहाडीले जानकारी दिनुभएको छ ।लामो समय देखि भानुपार्क सरसफाई नगरिएको र सर्वसाधारणको लागि खुल्ला नगरिएकोले फोहोर बढ्दै गएको भन्दै पहाडीले अब भानुपार्कको विकासको लागि सर्वसधारणको लागि पनि खुल्ला गर्नुपर्ने बताउनुभयो।

साथै भानुभक्तको प्रतिमामा पनि माल्यअर्पण गरिएको छ।कार्यक्रममा धादिङ साहित्य प्रतिष्ठानका अध्यक्ष डा.मुरारी अधिकारी, भानु प्रतिष्ठान धादिङका अध्यक्ष डा. नवीन बन्दु पहाडी, धादिङ सोसियल भोलेन्टीयरका स्वयंसेवहरु लगाएत सन्चारकर्मीहरुको सहभागिता रहेको थियो । विसं १८७१ असार २९ गते तनहुँको चुँदीरम्घा गाउँमा भानुभक्तको जन्म भएको थियो । उहाँलाई एक सामान्य घाँसीले ‘जन्मेपछि राम्रो काम गरेर नाम कमाउनुपर्छ’ भनी अर्ती–उपदेश दिएका थिए ।

त्यसैको प्रेरणास्वरुप भानुभक्तले साहित्य सिर्जना गरे र नाम कमाउनु भएको थियो।उहाँले संस्कृत भाषामा लेखिएको रामायणलाई नेपालीमा उल्था गर्नुभयो ।साथै पृथ्वीनारायण शाहले भौगोलिक रूपमा एकीकरण गरेको नेपाललाई भानुभक्तले भाषा, साहित्य र संस्कृति मार्फत् एकीकरण गरेको बिज्ञहरुको तर्क रहेको छ ।भानुभक्तका ‘वधुशिक्षा’, ‘प्रश्नोत्तरी’, ‘भक्तमाला’, ‘रामगीता’लगायत कृति चर्चित रहेका छन् ।

प्रकाशित मिति: सोमबार, असार २९, २०७७

आफ्नो टिप्पणी दिनुहोस्