धादिङ–१ मा चुनावी चहलपहल बढ्दै

धादिङ,१९ कात्तिक
निर्वाचन प्रचार–प्रसारका लागि सभा, सम्मेलन खुला प्रचार अभियान खुलेसँगै धादिङ १ प्रतिनिधिसभामा चुनावी चहलपहल बढेको छ । निर्वाचन आयोगले जारी गरेको आचारसंहिताअनुरुप कात्तिक १७ देखि निर्वाचनका लागि उम्मेदवार र दलले खुला प्रचार गर्न पाउने अवधि सुरु भएपछि चुनावी चहलपहल ह्वात्तै बढेको हो ।

निर्वाचन क्षेत्रका बस्तीबस्तीमा दल र उम्मेद्वारका निर्वाचन चिह्नका प्रचार गीत र नाराका स्वर सुनिन थालेका छन् । दल र उम्मेदवारले समूहमा घरदैलो र बस्तीबस्तीमा कोणसभाका कार्यक्रम अघि बढाएका छन् । धादिङ–१ का प्रतिनिधि सभा उम्म्ेदवार तथा मुख्य मन्त्री राजेन्द्र प्रसाद पाण्डेले बेनिघाट रोराङ गाउँपालिकाबाट चुनावी प्रचार र घरदैलो कार्यक्रमको शुभारम्भ गर्नुभएको छ । यसैगरी सोहि क्षेत्रबाट नेकपा एमालेका नेता भुमी त्रिपाठीले पनि थाक्रे गाउँपालिबाट चुनावी प्रचार प्रसार सुरु गर्नुभएको छ ।त्यसैगरी धादिङमा सत्तागठबन्धनको वाम लोकतान्त्रिक निर्वाचन परिचालन कमिटीले कात्तिक १७ गतेदेखि मङ्सिर–१ गतेसम्मको तालिका नै बनाएर निर्वाचन प्रचार अभियान थालिएको जनाएको छ ।
पाँच दलीय सत्तागठबन्धनबाट धादिङ–१ बाट एकिकृत समाजवादीका केन्द्रिय उपाध्यक्ष तथा मुख्यमन्त्री राजेन्द्र पाण्डे उम्मेदवार हुनुुहन्छ। । त्यसैगरी सोहि क्षेत्रको प्रदेशसभा ‘क’ र ‘ख’ मा क्रमशःकाँग्रेसबाट मधुकुमार श्रेष्ठ र माओवादी केन्द्रबाट शालिकराम जम्मकट्टेलले उम्मेदवारी दिनुभएकोछ । शालिकराम जम्मकट्टेल बागमती प्रदेशका मन्त्री समेत हुनुहुन्छ । त्यसैगरी नेकपा एमाले र राप्रपाको तर्फबाठ प्रतिनिधिसभामा भुमी त्रिपाठी र प्रदेशसभा क र ख मा क्रमश रमेश आचार्य र गजेन्द्र थपलिया उम्म्दवार हुनुहुन्छ ।

यो क्षेत्रमा राष्ट्रिय स्वतन्त्र पार्टीबाट हिमेश पन्तले प्रचार गरिरहनुभएको छ । सोहि क्षेत्रबाट पुराना बामपन्थी नेता उत्तम कडेंलले पनि उम्म्ेदवारी दिनुभएको छ। माछा चिन्ह लिएर स्वतन्त्र उम्मेदवारी दिनभएका कडेंलले पनि चुनावी प्रचार प्रसारलाई तिव्र बनाउनु भएको छ । यसैगरी प्रदेशसभा ‘क’ का स्वतन्त्र उम्मेदवार नेत्रराज पौडेलले पनि विजुलीको चिम चुनाव चिन्ह लिएर तीव्र प्रचारमा लाग्नुभएको छ ।

स्वतन्त्र उम्मेदवारी दिनुभएका नेत्रराज पौडेललाई एमालेको ठुलो पंक्तिको साथ रहेको छ । आधिकारीक उम्मेदवारलाई भन्दा स्वतन्त्र उम्मेदवारलाई जिताउनको लागि एमालेका जिल्ला तहका नेताहरुनै चुनावी प्रचार प्रसारमा हिड्नुभएको छ ।दलहरुले दैनीक सभा,भेला तथा घरदैलो कार्यक्रमलाई तिब्र बनाएका छन्।