शुसासन, पारदर्शिता र जवाफदेहिताको निमित्त नेत्रावतीमा वडा तथा पालिका स्तरिय सार्वजनिक सुनुवाई

धादिङबेशी । नेत्रावती डवजोङ गाउँपालिकामा वडा  तथा पालिका स्तरिय सार्वजनिक सुनुवाई कार्यक्रम सम्पन्न भएको छ ।

बैशाख १६ गते पालिकाको पाङ्गण तथा १७ गते वडा न १ को कार्यालय मार्पाकमा कार्यक्रम सम्पन्न गरे संगै यो बर्षको सार्वजनिक कार्यक्रम सम्पन्न भएको हो । पालिकाले यहि अघि पौष १९ गते वडा न ५ कटुन्जेमा यस बर्षको सार्वजनिक सुनुवाई कार्यक्रम सम्पन्न गरेको थियो ।

बिन्दुकेशरा मिडिया प्रा.ली.को समन्यमा भएको सार्वजनिक सुनुवाई कार्यक्रमलाई संस्थाका अध्यक्ष बद्री अधिकारीको नेतृत्वमा आएको टिमले सहजीकरण गरेको थियो । सार्वजनिक सुनुवाई कार्यक्रममा गाउँपालिकाका अध्यक्ष मेघनाथ रिजाल,उपाध्यक्ष सितामाया चोदेन, प्रमुख प्रशाशकीय अधिकृत हरेराम शाहले नागरिकहरुले उठाएका सवालको जवाफ दिनु भएको थियो । नागरिकहरुले शिक्षा, स्वास्थ्य, सडक, खानेपानी लगाएतको बिषयमा आफ्ना समस्याहरु राखेका थिए ।

नागरिकहरुको गुनासो सम्बोधन गर्दै गाउँपालिकाका अध्यक्ष मेघनाथ रिजालले आगागी दिनमा समस्या समाधान गर्दै जाने प्रतिवद्धता ब्यक्त गर्नु भयो । उहाँले शुसासन, पारदर्शिता र जवाफदेहिताको निमित्त आफुहरुले नियमित रुपमा सार्वजनिक सुनवाईको कार्यक्रम गर्दै आएको भन्दै नागरिकहरु प्रति आफु उत्तरदायी र जवाफदेहि भएको बताउनु भयो । उहाँले यस किसिमको आगामी दिनमा पनि निरन्तरता दिने प्रतिवद्धता ब्यक्त गर्नु भएको छ ।