मनकामना केबलकार आजदेखि नियमित सञ्चालनमा

काठमाण्डौ,०८ पुस।
मनकामना केबलकार आजदेखि नियमित सञ्चालनमा आएको छ । स्तरोन्नतिका क्रममा गियर बक्स र टावर मर्मतसम्भार गर्नुपर्ने भएकाले गएको आइतवारदेखि चार दिनका लागि केबलकार सेवा बन्द गरिएको थियो ।

मनकामना दर्शन प्रालिका नायब महाप्रबन्धक उज्वल शेरचनले मर्मतसम्भारको काम सकिएपछि आजदेखि केबलकार सेवा फेरि सञ्चालनमा ल्याइएको जानकारी दिनुभयो ।

केबलकार स्तरोन्नतिको काम भइरहेको उहाँले बताउनु भएको छ । कम्पनीले केबलकारमा प्रयोग हुँदै आएको एनालग कनेक्ट प्रणालीलाई डिजिटल प्रणालीमा स्तरोन्नति गर्न लागेको हो । चालु आर्थिक वर्षबाटै केबलकारलाई नयाँ प्रविधिमा लैजाने योजना रहेको कम्पनीले जनाएको छ। –रासस