धादिङ,०४ पुस।
धादिङ सहित देशभर चिसो बढेको छ । पुस लागेसँगै घाम कम लाग्ने तथा लागेपनि मधुरो लाग्ने हुँदा चिसो थप बढेको छ । यो पुस महिनाभरि चिसो अत्याधिक बढ्ने मौसमविद्हरूले बताएका छन् ।हिमाली, पहाडी तथा तराईका जिल्ला सबै तिर मौसममा बदली आइ चिसो बढ्ने मौसमविदले जनाएका छन् ।
चिसो समयमा बालबालिका तथा जेष्ठ नागरिकहरूको स्वास्थ्यमा असर पर्ने भएकाले बिशेष ख्याल गर्न चिकित्सकहरूले अनुरोध गरेका छन् । यो समयमा दम, मुटु तथा फोक्सो सम्बन्धि समस्या भएका दीर्घ रोगीहरूलाइ झन् धेरै अफ्ठेरो पर्ने भएकाले उनीहरूको बिशेष ख्याल गर्न चिकित्सकहरूको सल्लाह रहेको छ ।
जाडोको यो समयमा सकेसम्म न्यानो कपडा लगाउन, बिहान तथा साँझमा काम नपरेसम्म सकेसम्म घरबाट बाहिर नहिड्न तथा तातो र झोलिलो खानेकुराहरू खान पनि डाक्टरहरूको सुझाब रहेको छ ।
चिसो खानेकुराहरू खाँदा शरिर तताउन र आवश्यक पौष्टिक तत्व प्राप्त गर्न नसकिने भएकाले तातो र झोलिलो खानेकुरा खान डाक्टरहरूले सुझाब दिने गरेका छन् ।
घर भित्र पनि आगो, कोइला तथा हिटर बालेर बस्दा न्यानो र तातो हुने भएपनि आगो , हिटर र कोइला बाल्दा हुन सक्ने खतराको बारेमा सावधान रहन पनि डाक्टरहरूको सुझाब रहेको छ ।
धादिङ संचार प्रा.ली. द्धारा संचालित
धादिङ संचार डट कम (dhadingsanchar.com)
नीलकण्ठ नगरपालिका–३ धादिङ
ईमेल: [email protected]
सम्पर्क फोन- ०१०-५२१४३०, ९८५११२०८५०
प्रेस काउन्सिल दर्ता न: २६०३
सूचना विभाग दर्ता नम्बर: ६१ /०७३/०७४
सम्पादक: | बद्री अधिकारी |
कार्यक्रारी सम्पादक: | |
ब्यबस्थापक: | |
कानूनी सल्लाहकार: | |
बजार ब्यबस्थापक: |